XV SALÓN DO LIBRO INFANTIL E XUVENIL DE PONTEVEDRA

A lume lento, como todo o saboroso. Como as receitas das nosos/as avós/oas, cargadas de historias, de grandes xuntanzas en torno a unha mesa, de tradición. De ingredientes de primeira calidade, sementados con traballo e recollidos con esforzo, cociñados con agarimo. Esa é a fórmula máxica para que o Salón do Libro Infantil e Xuvenil de Pontevedra cumpra 15 edicións, mantendo a súa esencia inicial e cheo de frescura para seguir “Cociñando contos”.

Se queres saber máis preme aquí.

RECOMENDACIÓNS DÍA MUNDIAL DA POESÍA

Co gallo da celebración do día  Mundial da Poesía, desde a Biblioteca do C.E.I.P. García Barbón queremos facer as seguintes recomendación.

• EDUCACIÓN INFANTIL

María Fumaça... cantar e bailar para ser máis feliz.Un proxecto musical para escoitar en familia. Editorial Galaxia. 

• PRIMEIRO CICLO DE PRIMARIA

Trazos, trozos e retrincos. Antonio García Teijeiro presenta os Poemas do Sol e da Lúa, nos que o Sol e a Lúa, como bos amigos escriben poemas que deixan nas rúas para alegrar a todos os nenos e nenas. Editorial Xunta de Galicia.

• SEGUNDO CICLO DE PRIMARIA

 O meu gato é un poeta. Fran Alonso. Editorial Xerais.

• TERCEIRO CICLO DE PRIMARIA

Oda a unha estrela. Versos de Neruda que chegan ao corazón a través da lectura e de imaxes misteriosas. Editorial Kalandraka.

CONVIDÁMOSVOS A VISITAR A BIBLIOTECA ONDE TEMOS PREPARADOS PARA VÓS UNHA SELECCIÓN DE TEXTOS.

DÍA INTERNACIONAL DO LIBRO DE INFANTIL

Dende 1967, o 2 de abril, coincidindo coa data do nacemento do escritor danés Hans Christian Andersen, IBBY promove a celebración do Día Internacional do Libro Infantil co fin de promocionar os bos libros infantiles e xuveniles e a lectura entre os máis novos.


Irlanda é o país encargado de poñerlle palabra e imaxe a este cartel que percorre o mundo enteiro lembrando a necesidade de manter viva unha literatura de calidade destinada a nenos e mozos. O texto "Carta aos nenos do mundo" é da escritora e editora irlandesa Siobhán Parkinson, que recibiu entre outros premios o Premio Laureante na nög, o Premio de Literatura Infantil de Irlanda. Pola súa parte, a imaxe do cartel é de Niamh Sharkey, unha ilustradora irlandesa así mesmo merecedora do Premio de Literatura Infantil de Irlanda, entre outros galardóns.